ايه هو الحب الي بتدور عليه

هو ايه الحب اللي بتدور عليه؟؟

مبدأيا أى حد يدخل الموضوع يعتبر العنوان ده سؤال ويفكر فى أجابته وبعد مايقرأ الموضوع يجاوب ويتكلم بأحساسه وعقله

وبقلب مفتوح



مبدأيا محدش يقدر او يتوقع الحب فين او ممكن نلاقى مكانه لأن الحب ممكن نلاقيه حوالينا ومنكونش حاسين بيه

الفكره والكلام الصح اللى المفروض يتقال ياترى بعد ماتحس وتقابل الشخص اللى قالك بحبك ياترى طلع ده اللى انت حلمت

بيه ياترى ده فعلا كان اللى نفسك فيه

ياترى انت شايف الحب أزاى ؟

انا شايفة الحب :

الحب أسمى كلمة فى الوجود الكلمة دى بصحى وبنام عليها كلمة مبنسهاش كلمة دايما بتعامل بيها مع كل اللى حواليا مع كل الناس كلمة حاسسها قوى كلمة جوايا ساكنه فى كل جوارحى ومعالمى بالتالى أى حد بيتعامل معايا هيحس ده من غير ماأقوله بحبه
لما نعيش وتكون قلوبنا مفتوحه لكل الناس أكيد الحياة بيبقى ليها شكل ولون ومذاق أخر
محدش يقول افتح قلبى عشان اختار من وسط الناس دى حد يحبنى اقوله هنا لاء .. انت لما تفتح قلبك هتفتحه عشان ده اللي المفروض انه يتعمل ولما احساسك ومشاعرك توصل للناس اكيد ها طلع من وسط الناس دى واحد بس يفهمك ويحسك ويقدر مشاعرك.....
مش اى حد يضحك معانا ويبتسم فى وشنا يبقى بنحبه ويحبنا فى شىء اسمه حب عام ،،،،،،وفى شىء اسمه حب خاص.......
خليك دايما انسان إيجابي قابل الحب بحب وقابل اللى يجرحك برضه بحب مقولتش متاخدش موقف خد موقف بس موقف ايجابى مش سلبى خلى عندك قوة شخصية انك تقدر تغير الناس من حواليك بس تغيرهم للأفضل
كل دى مباديء مهمه من خلالها بتبدأ كلمة الحب



تعالوا لما نحلم بحب وشخص نفسنا نقابله هيكون ايه صفاته وبدون مبالغة أو مجاملة هقول :
نفسى فى شخص يكون جميل الشكل حسن المظهر طاهر القلب حسن الخلق
ساعتها اقول عيونى وقلبى شافوا صح ولما اقول بحبك متكونش مجرد كلمة اتقالت وبس تكون عبارة عن حلم قابلته جوه عيون الشخص اللى قدامى شخص من غير مايفرض شخصيته عليا لقيته بياخدنى لدنيا تانيه
شخص قادر طول الوقت يسحرنى بكلامه يبهرنى بموقفه وتصرفاته
شخص قادر يكون قدى فى الحياة
شخص قادر يعطينى الأمل والحنان
شخص قادر يلمس ويكون دواء جروحى شخص يكون حته منى ماشى جوه شريانى
شخص حبنى لذاتى حب فيا حياتى حب فيا صفاتى حبنى زى مانا قادر يغير فيا عيوبى
شخص قادر يكمل معايا مشواري
شخص انا شوفت فى عيونه أوشخصيته انه شخصيه خياليه او مستحيلة......

الكلام ف الحب جميل وكتير ومهما اتكلمنا لا يمكن يخلص اياً كان نوع الحب

ولقيت نفسي فجأة بنهي موضوعي من ناحيتي وسايبه مفتوح بين ايديكم ودلوقتى الكلام بقى ليكم وفى أنتظار مشاركات قوية وحقيقية وفعاله من الجميع

الموضوع ده هيترتب على اساسه حاجات كتير !!
من خلالها اننا نخلص لبعض ونحب بعض بجد بس مش يكون حب يتنتظر مقابل او حب مصلحه..

اتمنى اشوف أجابة عن اسألتنا : ( ياترى هو ايه الحب اللى بتدور عليه ؟ ياترى انت شايف اللى بتحبه ايه ؟ )

ياتري اللي بقوله ده !!!!!!

رومانسية وأحلام وردية ؟؟؟؟

مجرد خيال ؟؟؟

ولا ممكن ده يكون موجود في حياتنا ؟؟؟؟

حقيقة وواقع ملموس ؟؟؟؟؟؟؟